Gran Conca

Gran Conca
Situación
País	Estaos Xuníos
Estaos	California (es)
Tipu	fondigonada
Coordenaes	36°36′N 118°18′W / 36.6°N 118.3°O / 36.6; -118.3
Gran Conca Gran Conca (los EE.XX.)
Datos
Puntu más altu	Monte Whitney

La Gran Conca (n'inglés, Great Basin) ye la mayor conca hidrográfica endorreica (esto ye, que nun desagua nel mar) contigua d'América del Norte. Abarca, n'Estaos Xuníos, cuasi tol territoriu de Nevada y la mayoría del d'Utah, ya inclúi partes de los territorios de California, Idaho, Oregón y Wyoming, y parte de les tierres del estáu mexicanu de Baxa California. Tien dos rasgos peculiares: el so clima, áridu, y la so topografía, del tipu conca y cordal, na que s'alternen fileres paraleles de cordales y valles fluviales, que permite topar nesta conca el puntu más baxu del territoriu norteamericanu (conca de Badwater, nel Valle de la Muerte, col puntu más fonderu a 86 m perbaxu del nivel del mar) y, a menos de 150 km de distancia, el puntu más altu del territoriu continental estauxunidense: la cima del monte Whitney (4.421 m). Esta conca abarca estremaes divisiones fisiográfiques, biomes, ecorrexones y desiertos.